استفسار هام وضروري عن قنوات الجزيره الرياضيه من أهل الخبره

[bnayan]

السلام عليكم ورحمة الله وبركاته

انا عندي رسيفر تايجر
t6 usb
االرسيفر قبل شهر صار فيه تطقيعه على قنوات الجزيره ..
ونزلو الجزيره اعلان عبر صفحتهم ع الفيس بوك انو حل التقطيعه من خلال شطب الترددات واعاده تنزيلها مره أخرى
عملت زي ما حكو لكن ع الفاضي ما استفدت اي شيء ..
ضلت التقطيعه ع حالها ..
طبعا التقطيعه عباره عن توقف الصوره لأجزاء من الثانيه يعني بتحس لما يكون اللاعب يركض انو وقف بمكان وفجأه صار بمكان ثاني طبعاً والصوت بكون شغال بدون اي تقطيع ..

وعندي قوة الاشاره 55 يعني ممتازه ..

والمشكله انو عندي رسيفر ثاني نوع
TIGER t6 class HD
وما بعاني من هاي التقطيعه أبداً ..

طبعاً كل رسيفر شابكه ع صحن ..

وين المشكله يا جماعه .. والمشكله انو عندي اصدقاء بعانو من هاي المشكله منهم عنده رسيفرات تايجر
T1 , T5
ومنهم عندهم رسيفرات سترونج وغيرها ..

والمشكله انو عندي اصدقاء آخرين عندهم تايجر
T6 USB و T6 class
وما بعانو من هاي التقطيعه ..

وين بتكون المشكله ارجو الأفاده من ذوي الخبره ...

وشكرا جزيلاً

 

 

[محمد الطوباسي]

قم بعمل برمجة مصنع للرسيفر
و أعد البرمجة من جديد

[bnayan]

بسم الله الرحمن الرحيم

والله يا أخوي انو قمت بعمل ذلك ..
بس كمان نفس الاشي ..
حتى عملت للرسيفر سوفت وير وبعد السوفت وير اعادة ضبط المصنع لكن دون جدوى ..

[محمد الطوباسي]

اخي قم بتبديل الرسيفرين التايجر usp مكان الاخر و اعطني النتيجة

[bnayan]

ان شاء الله سوف أقوم بالتبديل ..

[bnayan]

أخي قمت بتوصيل الرسيفر على التلفزيون الآخر ..
لكن التقطيعه موجوده لكن قليله .. يعني ما بشوفها غير اللي مدقق لأنو طبعاً التلفزيون عباره عن شاشه ..
بس التقطيعه كانت موجوده ..

[خالد الشبول]

اقتباس المشاركة الأصلية كتبت بواسطة bnayan أخي قمت بتوصيل الرسيفر على التلفزيون الآخر .. لكن التقطيعه موجوده لكن قليله .. يعني ما بشوفها غير اللي مدقق لأنو طبعاً التلفزيون عباره عن شاشه .. بس التقطيعه كانت موجوده ..

اخي الغالي بعد شطب ترددات قنوات الجزيرة واعادة برمجتها

قم برفع اشارة الصحن قليلا على ترددات الجزيرة الرياضية وابلغني بالنتيجة يا غالي

[bnayan]

أن شاء الله .. بس بدي شوية وقت لأنو هسه فتره امتحانات ..
بس سوف أقوم بتجربة ذلك أخي الكريم ..

لكن هل معقول تكون المشكله باللاقط ؟!!

أنا عندي ع الصحنين واحد لاقط نوع
Zoro
اما الصحن اللي راكب عليه الرسيفر .. غير معروف نوع اللاقط ..
ومش مكتوب عليه اشي .. وحتى بعطيني دايماً اشاره أضعف من الاشارة اللي بعطيني اياها أي لاقط آخر
يعني ع لاقط من نوع
Zoro
بجيب القناه اذا كانت الاشاره فوق ال 55
اما على هذا اللاقط بعطيني الاشاره 40 ممكن يحيب قناه ..
وأعلى اشاره وصلت عندي كانت 60 - 65
فقط .. مع العلم انو ع اللاقط الآخر اعطاني اشاره بقوه 80 - 90

[خالد الشبول]

اقتباس المشاركة الأصلية كتبت بواسطة bnayan أن شاء الله .. بس بدي شوية وقت لأنو هسه فتره امتحانات .. بس سوف أقوم بتجربة ذلك أخي الكريم .. لكن هل معقول تكون المشكله باللاقط ؟!! أنا عندي ع الصحنين واحد لاقط نوع zoro اما الصحن اللي راكب عليه الرسيفر .. غير معروف نوع اللاقط .. ومش مكتوب عليه اشي .. وحتى بعطيني دايماً اشاره أضعف من الاشارة اللي بعطيني اياها أي لاقط آخر يعني ع لاقط من نوع zoro بجيب القناه اذا كانت الاشاره فوق ال 55 اما على هذا اللاقط بعطيني الاشاره 40 ممكن يحيب قناه .. وأعلى اشاره وصلت عندي كانت 60 - 65 فقط .. مع العلم انو ع اللاقط الآخر اعطاني اشاره بقوه 80 - 90

نعم اخي الغالي كل شيء معقول وايضا في نوعية سلك الستلايت تسبب في ضعف الاشارة وبعض التقطيعات ؟؟؟؟

[bnayan]

ما أظن انو المشكله من السلك لأنو السلك صارلو عندي أكثر من 7 سنوات

جبتنو نوع أمريكي أصلي

بس بتنصحني بلاقط معين انا عندي لاقط غير مستخدم نوع
Tiger * T1

استخدمو ؟!!