|
بخصوص قمر nss12 والقمر التركي... مساعدة
السلام عليكم....
ذهبت يوم امس الى حوالي 5 محلات ستالايت وطلبت منهم : تركيب القمر التركي مع قمر nss12 على صحن 90سم... علما ان يكون السنتر الاكسبرس... الكل كان جوابه مستحيل يركب القمرين معا على صحن 90سم (نوع الصحن جي جارد).... هل هذا الكلام صحيح ؟؟؟؟ مع الشكر الجزيل |
قمر nss12لازم يكون سنتر عشان يلقط اشاره هذا القمر اشارته ضعيفه يمكن على صحن اكبر يزبط على مسطره لم اجرب للاامانه
|
اخي انا صاحب محل ومركبه عندي وعند الزباين وتمام التمام في ضعف اشاره شوي عالتركي بس الوضع تمام يا غالي
|
اخي ibrahim80 ....
للأمانة اتصلت مع احد المحلات في منطقة ابو نصير وقال نفس كلامك اخي بالضبط ... انه بركب القمر التركي مع الهولندي على صحن 90سم وقال لي بحاجة الى مسطرة بشكل افقي (وليس مسطرة التي يتم التقاط عليها النايل سات والأوروبي... قال لي مسطرة بشكل افقي)....... اشكرك على معوماتك الرائعة اخي ibrahim80 ما هي نصيحتك لي عند تركيب القمر التركي والهولندي : هل يكون السنتر الاكسبرس ام اذربيجان (وايهما افضل للقنوات الرياضية) ولو سمحت اخي محلك بأي منطقة..... اشكرك ... بارك الله فيك |
يا خوي انا باربد وبنصحك يكون الاكسبرس سنتر وال nss ع شماله وانت قدام الصحن و ع يمينه حط الاذر سبيس و التركي هيك بكون وضعك 100%
وانا بالخدمه وما عملت غير واجبي ^__^ |
بارك الله فيك اخي ibrahim80.....
بس ملاحظة صغيرة "الاكسبرس سنتر وال nss ع شماله وانت قدام الصحن!!!!!!! و ع يمينه حط الاذر سبيس و التركي " بس انت قصدك يمكن وانا خلف الصحن لانه ترتيب الاقمار حسب الدرجات بكون التركي ثم اذربيجان ثم اكسبرس واخيرا الهولندي.... هو في النهاية عندي شغل الفني... بس انا حابب اعرف الترتيب الصحيح... مع الشكر الجزيل وغلبك معاي |
اخر سؤال اخي ibrahim80 ....
بدي رسيفر يكون full HD .. ويكون فيه مدخل للنت ويكون يقبل ادخال الشيفرة.... يكون حديث بشكل عام... ما يكون غالي يعني يكون بحدود 35 دينار او 40 دينار... وما يكون فيه مشاكل بدي نصيحتك بالموضوع ... لأنه بدي اشتري شاشة وبالتالي احتاج رسيفر HD.... لأنه الرسيفر الي عندي عادي "تايغر تي 5".... اشكرك مرة تانية ومعروف ما بنسالك اياه.... |
اخي حسام الشغل عالمصطره بفرق عن الترتيب العادي يعني اذا الاكيبرس سنتر وانت قدام الصحن بكون الان اس اس ع شمالك واذا الا ان اس اس سنتر بكون الاكسبرس ع يمينك يعني بعكس الترتيب العادي
وبالنسبه للرسيفرات بنصحك بالتايجر تي hd بشكل عام وضعهن كويس وخصوصا بوضع الشيفره يعني لو جبت تي 250 او 266 او 55 او 66 كله كويس يا شيخ ^^ |
أشكرك .... بارك الله فيك
الله يجزيك الخير... والله ما قصرت اذا بدك مني اي خدمة انا جاهز |
مشكوووووووووووووووووووررررررررر
|
| الساعة الآن 08:20 PM |
Powered by vBulletin® Version 3.8.11
Copyright ©2000 - 2025, vBulletin Solutions Inc.