ارجو من الاخوان طريقة تحويل تايجر t6 الى الهاردوير الجديد ليعمل على الانترنت

[ابراهيم راشد]

ارجو الطريقة والبرامج اللازمة لذلك ولكم جزيل الشكر

 

 

[coolsky mAn]

طيب شوف

بتحاول تجيب قطعة ايثرنت داخلية مثل يلي في جهاز تي لينك 6 شبيه التايجر
جيب القطعة + قاعة التوصيل ، اذا ما لقيت قاعدة ؛ بإمكانك فك قاعدة هارد IDE من بورد قديمة وانت وخبرتك في اللحام بتركبها في الرسيفر. رح تلاقي من جهة اليسار عند الفلاش محلين لتركيب القاعدة. بتلحم القاعدة بكاوية هوت اير وبعد ما تخلص تركيبها بتلاقي بين القاعدتين من اليسار محل لتركيب مكثف صغير الحجم وعلى الاغلب قياساته بتكون مثل يلي جنبه. اذا ما عرفت تركبها وديها لمحل صيانة يلحمها.
الان بتشيل الغطاء الخلفي يلي بيركب على البورد من الخلف ( بكون فيه الاوديو فيديو والتيونر ..) وبتفك وصلة اليو اس بي لأنه رح يركب محلها وصلة الايثرنت. لكن بالاول بدنا نوسع فتحة اليو اس بي حتى تيجي القاعدة بالتمام. وبعدين بتدور على مكان لتركب فيه كيبل اليو اس بي وحدد مكان الثقوب الخاصة بالبراغي + الفتحة عن طريق قلم رصاص . وبعدين اثقب فتحات البراغي بالدرل ( استخدم ريشة ألومنيوم رفيعة ) وبعدين افتح فتحة لليو اس بي ، ولما تخلص ركبها وركب الجهاز كامل.

الآن اعمل ضبط مصنع والافضل انك تعمل سوفتوير الكلين.
الافضل يكون عندك البوت 121 ، واعمل سوفتوير جديد والافضل 3.87 أو 3.88 . بعد ما يخلص رح يقولك اعمل ريستارت. قبل ما تعمل ريستارت اشبك كيبل النت واشبكه بالرسيفر وبعدين اعمل ريستارت وقبل ما يبوت الرسيفر طفيه من كبسة الباور.
الان وصل كيبل الكوم بالجهاز والكمبيوتر وافتح الهايبر تيرمينال واعمل اتصال جديد وبعدين شغل الرسيفر من كبسة الباور . رح تلاحظ انه برنامج الهايبر بلش يظهر معلومات من الرسيفر. رح تكون بالشكل التالي :

كود PHP:

Initializing 'C' variables...

Enabling serial checkpoint output...
Setting up AHB mode...
Removing ROM shadow f
Initializing RAM controller...
Initializing 'C' variables...
Enabling I cache...
Initializing stack pointers for each CPU mode...
Switching to 'C' code...
Init GPIO...
Detect flash...
SST39VF3201_FLASHV121,CID:14,HID:7,4009-12-18,Release,CMDSET
00.00.000: Started...
size1 = 16384
MB Ver = 1
C-Num = 6
C-ID = 0x14
size1 = 196608
size1 = 36
internet setup (OpenTCP)
internet_setup->opentcp_init()->ERROR
size1 = 12
size1 = 220
size1 = 1092
size1 = 414791
size1 = 720
size1 = 112
size1 = 622148

لاحظ السطر التالي
internet setup (OpenTCP)
internet_setup->opentcp_init()->ERROR

لازم يكون كلشي اوكي ، بس هي النتيجة طلعتلي لأنه مش مركب الايثرنت حاليا

الان ابحث عن القنوات وعدل الاعدادات كما ترغب .
من الريموت اضغط F1 + 123
فوت على منيو وبعدين Installation وبعدين عدل اعدادات الاي بي . طبعا في حال انه ما اخذها اوتوماتيك.

الان اذا عندك اشتراك في سيرفر نيوكام ، استخدم برنامج ادخال السيرفرات الخاص بالتي لينك 6 او الخاص بالتايجر 6 ودخل السيرفرات ونزلهم على الرسيفر عن طريق الفلاش.

وهي كل القصة.

يوجد بعض الاشخاص من يحتكرون هذه الطريقة ، وتصل التكلفة لمبلغ خيالي يوازي سعر جهاز جديد ! وبيشترط احيانا يرفع السعر الشوي مقابل يعطيك اشتراك سيرفر للتجربة.

لا ادري لماذا كل هذا الاحتكار !!!!!!!!

هذه الطريقة تنفع لأجهزة التايجر 6 الحديثة. تقريبا يلي نزلت من سنتين لحد الان

صورة توضيحية ، حيث تم توضيح كل المطلوب عمله

http://www.mediafire.com/?69q2c1ks1njbrcn

[ابو بركات]

الف شكر أخ cool sky وين ممكن نسوي هذه الطريقة وهل هي فعالة (عملية) واذا ممكن نتعرف عليك أكثر رقم تلفونك .
لك دوام الشكر وتمام الصحة والعافية ولكل أبطال الشبول سات

[coolsky mAn]

أخي ابو بركات ،

المشكلة انه قطعة الايثرنت نادرة الوجود ، انا لقيت وحدة عند محل ؛ بس قالي رح يفكها من جهاز تي لينك 6 خربان. وانا في انتظار القطعة.

بس على كل دور بالمحلات يمكن تلاقي

[ابو بركات]

الاخ coolsky هناك محل في عمان طلب مبلغ من 25-23 دينار مع تشغيل سيرفر الشركة .... اذا كان الجهاز موديل قديم 35 دينار واذا حديث 25 دينار برأيك المبلغ معقول ولا هناك مبالغة ؟؟؟؟

[coolsky mAn]

أخي ابو بركات

يعني اذا كان حديث 25 دينار كثير على تركيب قطعة. وبالنسبة لسيرفر الشركة بترجعه بسوفتوير بس ! وانا قبل فترة طرحت موضوع بهذا الخصوص وارفقت سوفتوير لكن بعد فترة حذفته لأنه وصلني خبر انه الاغلب رح يستخدموه بمصاري للناس

ولو كان قديم 35 دينار هذا هيك صار حق جهاز جديد !!!!!!! يعني اسعار مبالغ فيها

نصيحتي دورلك على جهاز كليفر T66 Plus أو TLINK T6 مستعمل رح يطلع ارخص من تركيب قطعة جديدة.

او جيب جهاز Tiger T55 أو TLINK T55 وركبله انت لحالك كيبل يو اس بي ونزل عليه فلاشة مسحوبة من TLINK T6 أو Tiger T6وبس.
لأنه T55 وT6 متشابهين تماما في الهاردوير والسوفتوير عدا انه الاختلاف الوحيد هو انه T55 في ايثرنت وما فيه يو اس بي والعكس للتي 6

وحاليا قل الطلب على الاجهزة العادية، صار الطلب على فئة الـ HD

[خالد الشبول]

رسيفر كليفر t66 جاهز مع السيرفر سعره 27 دينار .. هاي ناس ما بتخاف الله وبتفكر حالها بالعصر الحجري لما كان تركيب الصحن ب 50 دينار ؟ احذرو المنافقين والطماعين اخواني

[coolsky mAn]

أخي خالد

والله بتعرف لما شفت ردك انصعقت !!!!!

27 دينار مع السيرفر

والله ببلاش

اقل بضعفين من اسعار محلات اربد ، اخر مرة سألت محل قال بـ 55 دينار مع السيرفر ، قلتله السيرفر مسامحك فيه عندي سيرفرات مش سيرفر ، قال الجهاز ما بنباع بدون السيرفر !!!!!

أخي ممكن عنوان المحل تبعك ، اعتقد انه بالرمثا لكن وين بالزبط

[ابو بركات]

يا أخي والله انكم افاضل ابناء افاضل .... وهذا المنتدى وأعضاؤه وهي كلمة حق واقسم على ما أقول أنهم يرفع بهم الرأس
حقيقة قل نضيركم شكرا لكم ابدعتم وهذا ديدن المبدعين والعظماء
اخوكم ابو بركات