السلام عليكم ورحمة الله تعالى وبركاته ستكون هذه الصفحة مخصصه لكل شئ عن الدريم 500 سواء صينى او اورجينال شكل الجهاز تماما من الداخل قطع غيار إلكترونية لم نراها فعلا من قبل وحساسة جدا صورة لنفس الجهاز بس بوردة مختلفه عن قرب لاصحاب النظر المتوسط ومن الأشياء المهمة من وجهة نظرى الرؤية الثاقبة للمشترى هقولكم ازاى انا لاحظت فعلا ان الجهاز الدرجة الاولى كل شئ فيه ممتاز من حيث شكل التشطيب للهيكل الخارجى للجهاز يعنى على الاقل لو مش هتعرف تحكم على الجهاز من الداخل يبقى تلقى نظرة عن كسب على منظر الجهاز من الخلف ومن الامام ومن الاسفل وفيه ملحوظه مهمه جدا اريد من الجميع معرفتها وهى ثغرة فنيه بحتة وبتعرفك الجهاز درجة اول ام الدرجة المتدنية من الصناعه وهى الارجل الجلديه للجهاز بمعنى انك هتلاقى اربع قواعد من الجلد المطاط اسفل الجهاز من خلالهم صدقنى تقدر تعرف ان كان الجهاز مضرو ام لا وهنلقى نظرة بالصور فى الجهاز الأصلى هتلاقيهم صناعتهم كويسه وشكلها معقول جدا تكاد تكون ممتازه وفى الجهاز المضروب هتحس انها معموله عند الراجل بتاع البلاستيك الى بيلم العل بتاع الزيت الفارغه من الشارع الجهاز ومحتوياته ومن الأشياء المهمة ايضا فى الدريم الادبتور الخاص بتغذية الكهرباء بيكون سبب الكثير من المشاكل والاخطأء التى يحتار فيها حتى الفنين دايرة الكهرباء الخاصه بالدريم لو فيها نقص او مشكلة تتسبب فى مشاكل الاشارة ووقوع البرنامج التشغيلى للجهاز ووقوف الجهاز عند اللمبه الخضراء وده عن تجربة شخصية وفى حالة عطل الدايرة الخاصة بالكهرباء ممكن استخدام الادبتور الخاص بالسيدروم تقريبا بتاع جهاز الكمبيوتر او دايرة كهرباء جهاز السى دى بتاع الاتارى بتاع زمان لو فاكرينه وتمت تجربتها وتعمل بمنتهى الكفاءة وخاصة الصناعه التيوانى يعيبها فقط بعض السخون بس شغاله تحت التجربة من حوالى ثلاثة اسابيع بدون مشاكل على خلاف الدايرة الجاهزة ذات الحجم الكبير التى تباع على انها بديل الادبتور الاصلى لم تعمل بالشكل المطلوب ودايما بيكون هناك عطل فى التشغيل والاشارة وتمت تجربتها ايضا