منتديات الشبول سات - مشكلة مع جهاز tiger*t1 oscar full hd

السلام عليكم ويعطيكم العافيه على المجهود اللي بتبذلوه
وصلني جهاز tiger*t1 oscar full hd
وانا مشترك بسيرفر عادي عن طريق الكمبيوتر ووصلة الrs232
حاولت اشبكه على الشيرنغ ما لقيت ولا اي خيار داخل قائمة F1 111
وهاي الصورة للقائمة :
http://i.imgur.com/IN75lwI.jpg

اتصلت بواحد صاحبي بعرف اكثر مني , حكالي اعمل ابديت , لقيت الجهاز معموله ابديت لاخر نسخة وهاي صورة رقم السوفتوير وتاريخه :

http://i.imgur.com/MKK0n22.jpg

دخلت على المواقع وبعد بحث طويل لقيت انه اسهل اشي اني اشبك الجهاز عن طريق الوايرلس
جبت وايرلس ادابتر , وحكيت لصاحب المحل نوع الريسيفر وحكالي هاي احسن وحده لجهازك :

http://i.imgur.com/4iGm1EP.jpg

ركبتها وجهزت الوايرلس وكل اشي تمام , بعمل بحث بطلعلي كثير شبكات , بشبك على شبكتي وبدخل الباسوورد , صار يطلعلي مسج انه الباسوورد اطول اشي لازم تكون 5 خانات , غيرت الحماية بالوايرلس ل wep وحطيت الباس خمس احرف كابيتال , ورجعت وشبكت من الريسيفر , بيعطيني login wireless وبتختفي .. حاولت اكثر من مره ونفس المشكلة , وهاي صورة متحركة للي بصير معي :
http://i.imgur.com/R88BxS8.gif

شاكر اي مساعدة ممكن تقدموها